ਨਵਜੋਤ ਸਿੱਧੂ ਦੇ ਸਲਾਹਕਾਰ ਦਾ ਹੋਸ਼ ਉਡਾਉ ਖੁਲਾਸਾ! ਜਾਨ ਦੀ ਪਰਵਾਹ ਕੀਤੇ ਬਿਨਾਂ ਖੋਲ੍ਹਿਆ ਵੱਡਾ ਰਾਜ਼!

ਪੰਜਾਬ ਕਾਂਗਰਸ ਦਾ ਕਲੇਸ਼ ਲਗਾਤਾਰ ਪੇਚੀਦਾ ਹੁੰਦਾ ਜਾ ਰਿਹਾ ਹੈ। ਕੈਪਟਨ ਤੇ ਸਿੱਧੂ ਧੜੇ ਵਿਚਾਲੇ ਖਿੱਚੋਤਾਣ ਕਰਕੇ ਹਾਈਕਮਾਨ ਦੀ ਹਾਲਤ ਵੀ ਕਸੂਤੀ ਹੋ ਗਈ ਹੈ। ਕਾਂਗਰਸੀ ਸੂਤਰਾਂ ਮੁਤਾਬਕ ਹਾਈਕਮਾਨ ਸਿੱਧੂ ਨੂੰ ਅੱਗੇ ਲਿਆਉਣਾ ਚਾਹੁੰਦੀ ਹੈ ਪਰ ਨਾਲ ਹੀ ਕੈਪਟਨ ਨੂੰ ਵੀ ਨਰਾਜ਼ ਨਹੀਂ ਕਰਨਾ ਚਾਹੁੰਦੀ। ਇਸ ਕਰਕੇ ਹੀ ਹਾਲਾਤ ਸੁਲਝਣ ਦੀ ਬਜਾਏ ਉਲਝਦੇ ਜਾ ਰਹੇ ਹਨ। ਦੂਜੇ ਪਾਸੇ, ਪਾਰਟੀ ਹਾਈਕਮਾਂਡ ਪ੍ਰੇਸ਼ਾਨ ਹੈ ਕਿ ਸੂਬਾਈ ਕਾਂਗਰਸ ਨੂੰ ਕਿਵੇਂ ਇੱਕਜੁਟ ਕੀਤਾ ਜਾਵੇ, ਕਿਉਂਕਿ ਰਾਜ ਵਿੱਚ ਵਿਧਾਨ ਸਭਾ ਚੋਣਾਂ ਨੇੜੇ ਆ ਰਹੀਆਂ ਹਨ ਪਰ ਪਾਰਟੀ ਵਿੱਚ ਵਿਵਾਦ ਤੇਜ਼ ਹੁੰਦੇ ਜਾ ਰਹੇ ਹਨ। ਪਿਛਲੇ ਪੰਜ ਮਹੀਨਿਆਂ ਦੌਰਾਨ, ਕੈਪਟਨ-ਸਿੱਧੂ ਵਿਵਾਦ ਕਾਰਨ, ਹਰੀਸ਼ ਰਾਵਤ ਨੂੰ ਚੰਡੀਗੜ੍ਹ ਤੇ ਨਵੀਂ ਦਿੱਲੀ ਦੇ ਲਗਾਤਾਰ ਦੌਰੇ ਕਰਨੇ ਪਏ।

ਨਵਜੋਤ ਸਿੱਧੂ ਨੇ ਸ਼ੁੱਕਰਵਾਰ ਨੂੰ ਅੰਮ੍ਰਿਤਸਰ ਵਿੱਚ ਇੱਕ ਪਾਰਟੀ ਪ੍ਰੋਗਰਾਮ ਦੌਰਾਨ ਕਿਹਾ ਸੀ ਕਿ ਜੇ ਉਹ (ਹਾਈ ਕਮਾਂਡ) ਮੈਨੂੰ ਆਪਣੀ ਇੱਛਾ ਤੇ ਵਿਸ਼ਵਾਸ ਅਨੁਸਾਰ ਕੰਮ ਕਰਨ ਦਿੰਦੇ ਹਨ, ਤਾਂ ਉਹ ਸੂਬੇ ਵਿੱਚ 20 ਸਾਲਾਂ ਤੱਕ ਕਾਂਗਰਸ ਦੇ ਰਾਜ ਨੂੰ ਯਕੀਨੀ ਬਣਾਉਣਗੇ। ਉਨ੍ਹਾਂ ਇਹ ਵੀ ਕਿਹਾ, "ਪਰ ਜੇ ਤੁਸੀਂ ਮੈਨੂੰ ਫੈਸਲਾ ਕਰਨ ਦੀ ਇਜਾਜ਼ਤ ਨਹੀਂ ਦਿੰਦੇ, ਤਾਂ ਮੈਂ ਇੱਟ ਨਾਲ ਇੱਟ ਖੜਕਾ ਦੇਵਾਂਗਾ।" ਸਿੱਧੂ ਦੇ ਇਸ ਬਿਆਨ ਨੂੰ ਪਾਰਟੀ ਹਾਈਕਮਾਂਡ ਲਈ ਸਿੱਧੀ ਧਮਕੀ ਮੰਨਦਿਆਂ ਪੰਜਾਬ ਕਾਂਗਰਸ ਵਿੱਚ ਵੀ ਹਲਚਲ ਤੇਜ਼ ਹੋ ਗਈ ਹੈ। ਇਸ ਦੌਰਾਨ, ਸਿੱਧੂ ਨੇ ਸ਼ਨੀਵਾਰ ਨੂੰ ਇੱਕ ਨਵੇਂ ਟਵੀਟ ਵਿੱਚ ਲਿਖਿਆ - 'ਪੰਜਾਬ ਮਾਡਲ ਦਾ ਮਤਲਬ ਹੈ ਕਿ ਲੋਕ ਕਾਰੋਬਾਰ, ਉਦਯੋਗ ਤੇ ਸੱਤਾ ਲਈ ਨੀਤੀਆਂ ਬਣਾਉਂਦੇ ਹਨ। ਲੋਕਾਂ ਨੂੰ ਸੱਤਾ ਵਾਪਸ ਦਿੱਤੀ ਜਾਵੇ।