ਉਸ ਕਲਾਕਾਰ ਨੂੰ ਤਾਂ ਬੱਸ ਗੀਤ ਦੇ ਹਿੱਟ ਹੋਣ ਤੱਕ ਮਤਲਬ ਹੁੰਦਾ ਹੈ। ਤੇ ਭਾਵੇਂ ਉਹ ਗੀਤ ਦੇ ਵੀਡਿਓ ਵਿੱਚ ਲੱਚਰਤਾ ਦਿਖਾ ਕੇ ਹੀ ਕਿਉਂ ਨਾ ਹੋਵੇ। ਅੱਜ ਨਵੀ ਹੀ ਰੀਤ ਚੱਲ ਪਈ ਹੈ ਹਰ ਗਾਣੇ ਵਿੱਚ ਨਸ਼ਾ ਮੋਹਰੀ ਹੈ ਹਰ ਗਾਣੇ ਵਿੱਚ ਸ਼ਰਾਬ ਪੀਣ ਦਾ ਦ੍ਰਿਸ਼ ਜ਼ਰੂਰ ਫਿਲਮਾਇਆ ਜਾਂਦਾ ਹੈ। ਇਹ ਸ਼ਰਾਬ ਪੀਣ ਦਾ ਦ੍ਰਿਸ਼ ਜਦੋਂ ਬਾਰ ਬਾਰ ਟੀਵੀ ਤੇ ਦਿਖਾਇਆ ਜਾਂਦਾ ਹੈ ਤਾਂ ਸਾਡੇ ਜਵਾਨ ਹੋ ਰਿਹਾ ਤਬਕਾ ਹੀ ਨਹੀ ਸਗੋਂ ਨੌਜਵਾਨਾਂ ਦੇ ਦਿਲਾਂ ਤੇ ਵੀ ਡੂੰਘੀ ਚੋਟ ਕਰਦਾ ਹੈ। ਬਾਕੀ ਰਹਿੰਦੀ ਖੂੰਦੀ ਕਸਰ ਗਾਣਿਆਂ ਵਿੱਚ ਚਿੱਟਾ, ਅਫੀਮ ਦਾ ਜ਼ਿਕਰ ਪੂਰੀ ਕਰ ਦਿੰਦਾ ਹੈ। ਹੋਰ ਤਾਂ ਹੋਰ ਕਈ ਵਿਦੇਸ਼ੀ ਪੰਜਾਬੀ ਗਾਉਣ ਵਾਲੇ ਤਾਂ ਨੰਗੇਜ਼ ਪੁਣੇ ਦੀ ਵੀ ਹੱਦ ਟੱਪ ਜਾਂਦੇ ਹਨ। ਪਰ ਇਸ ਵਿੱਚ ਉਨ੍ਹਾਂ ਦਾ ਕੀ ਕਸੂਰ ਉਨ੍ਹਾਂ ਨੂੰ ਤਾਂ ਪਜੰਾਬੀ ਸੱਭਿਆਚਾਰ ਦਾ ੳ ਅ ਵੀ ਨਹੀ ਪਤਾ। ਉਨ੍ਹਾਂ ਨਾਲ ਸਾਡੇ ਪੰਜਾਬ ਦੇ ਕਲਾਕਾਰ ਮਿਲਕੇ ਬਹੁਤ ਬੁਰੀ ਤਰ੍ਹਾਂ ਪੰਜਾਬੀ ਬੋਲੀ ਤੇ ਸੱਭਿਆਚਾਰ ਦਾ ਘਾਣ ਕਰਦੇ ਹਨ।