ਆਰਥਿਕ ਪੱਖੋਂ ਕਮਜ਼ੋਰ ਮਾਂ-ਬਾਪ ਦੀ ਨੌਜਵਾਨ ਬੱਚਿਆਂ ਅੱਗੇ ਕੋਈ ਪੇਸ਼ ਨਾ ਚਲੀ ਤੇ ਉਨ੍ਹਾਂ ਨੇ ਘਰ ਦੇ ਭਵਿੱਖ ਨੂੰ ਕਰਜ਼ੇ ’ਚ ਡੋਬ ਕੇ ਆਪਣੇ ਬੱਚੇ ਨੂੰ ਕਿਸੇ ਸੁਨਿਹਰੇ ਸੁਪਨੇ ਦੀ ਉਡੀਕ ’ਚ ਕੈਨੇਡਾ ਦੀ ਧਰਤੀ ਦੇ ਪੈਰ ਰਖਾਇਆ। ਬੱਚੇ ਦੇ ਕੈਨੇਡਾ ਦੀ ਧਰਤੀ ਤੇ ਪਹੁੰਚ ਖਰਚ ਕਰਨ ਲਈ ਬੜੀ ਮੁਸ਼ਕਲ ਨਾਲ ਲੱਖ ਦੋ ਲੱਖ ਦਾ ਕੈਸ਼ ਦਾ ਜੁਗਾੜ ਕਰਾਇਆ, ਜੋ ਕੈਨੈਡਾ ਪਹੁਚਿਆ ਹੀ ਕੁਝ ਦਿਨਾਂ ਵਿਚ ਜਰੂਰੀ ਸਾਜ ਸਾਮਾਨ ਤੇ ਫੁਰਰ ਹੋ ਗਿਆ। ਵਿਦਿਆਰਥੀ ਵੱਲੋਂ ਦੋਸਤਾਂ ਮਿੱਤਰਾਂ ਦੀ ਮਦਦ ਨਾਲ ਰੋਜ਼ਗਾਰ ਲੱਭਣ ਲਈ ਹੱਥ ਪੈਰ ਮਾਰਨ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ। ਥਾਂ-ਥਾਂ ’ਤੇ ਛੋਟੀ ਮੋਟੀ ਨੌਕਰੀ ਲਈ ਪੱਤਰ ਭੇਜੇ ਗਏ।