‘ਪਰ ਪੰਜਾਬ ਵਿੱਚ ਮੇਰੀ ਸਰਕਾਰ ਸਮਾਜ ਦੇ ਹਰੇਕ ਵਰਗ ਲਈ ਬਿਜਲੀ ਸਬਸਿਡੀ ਦੇ ਰਹੀ ਹੈ ਤੇ 10,000 ਕਰੋੜ ਰੁਪਏ ਦੇ ਲਗਭਗ ਖ਼ਰਚ ਕਰ ਰਹੀ ਹੈ।’ ਕਸਤੂਰਬਾ ਨਗਰ ਇਲਾਕੇ ਤੋਂ ਕਾਂਗਰਸ ਦੇ ਉਮੀਦਵਾਰ ਸ੍ਰੀ ਅਭਿਸ਼ੇਕ ਦੱਤ ਹਨ; ਜਦ ਕਿ ਤਿਲਕ ਨਗਰ ਇਲਾਕੇ ’ਚ ਰਮਿੰਦਰ ਸਿੰਘ ਬੰਮਰਾਹ ਕਾਂਗਰਸੀ ਉਮੀਦਵਾਰ ਹਨ। ਬੀਤੇ ਕੱਲ੍ਹ ਵੀ ਕੈਪਟਨ ਅਮਰਿੰਦਰ ਸਿੰਘ ਨੇ ਦਿੱਲੀ ’ਚ ਦੋ ਰੈਲੀਆਂ ਕੀਤੀਆਂ ਸਨ। ਪਹਿਲੀ ਰੈਲੀ ਉਨ੍ਹਾਂ ਦਿੱਲੀ ਦੇ ਹਰੀ ਨਗਰ ਇਲਾਕੇ ’ਚ ਕਾਂਗਰਸੀ ਉਮੀਦਵਾਰ ਸੁਰਿੰਦਰ ਸੇਤੀਆ ਦੇ ਹੱਕ ਵਿੱਚ ਕੀਤੀ ਸੀ। ਕੱਲ੍ਹ ਉਨ੍ਹਾਂ ਦੀ ਦੂਜੀ ਰੈਲੀ ਦੱਖਣੀ ਦਿੱਲੀ ਦੇ ਕਾਲਕਾਜੀ ਇਲਾਕੇ ਵਿੱਚ ਪਾਰਟੀ ਉਮੀਦਵਾਰ ਸ਼ਿਵਾਨੀ ਚੋਪੜਾ ਦੇ ਹੱਕ ਵਿੱਚ ਸੀ।