ਪੰਜਾਬ ਵਿਚ ਟਰੈਫਿਕ ਨਿਯਮਾਂ ’ਚ ਸੁਧਾਰ ਲਿਆਉਣ ਦੀਆਂ ਅਪਾਰ ਸੰਭਾਵਨਾਵਾਂ ਮੌਜੂਦ ਹਨ। ਲੋਕ ਪਹਿਲਾਂ ਵੀ. ਵੀ. ਆਈ. ਪੀਜ਼ ਵੱਲ ਦੇਖਦੇ ਹਨ। ਜੇਕਰ ਵੀ. ਵੀ. ਆਈ. ਪੀਜ਼ ਟਰੈਫਿਕ ਨਿਯਮਾਂ ਦੀ ਪਾਲਣਾ ਨਹੀਂ ਕਰਦੇ ਤਾਂ ਇਹ ਅਸਰ ਜਨਤਾ ’ਤੇ ਵੀ ਦੇਖਣ ਨੂੰ ਮਿਲਦਾ ਹੈ। ਭਗਵੰਤ ਮਾਨ ਦੀਆਂ ਇਨ੍ਹਾਂ ਕੋਸ਼ਿਸ਼ਾਂ ਦੀ ਅੱਜ ਸੋਸ਼ਲ ਮੀਡੀਆ ’ਤੇ ਵੀ ਜ਼ਬਰਦਸਤ ਸ਼ਲਾਘਾ ਹੁੰਦੀ ਦੇਖੀ ਗਈ। ਇਥੇ ਜਿਸ ਤਰ੍ਹਾਂ ਦਾ ਅਹਿਸਾਸ ਭਗਵੰਤ ਮਾਨ ਨੇ ਰਾਜ ਭਵਨ ਜਾਣ ਸਮੇਂ ਲਾਲ ਬੱਤੀ ’ਤੇ ਆਪਣੀਆਂ ਗੱਡੀਆਂ ਨੂੰ ਰੁਕਵਾ ਕੇ ਕੀਤਾ ਹੈ, ਜੇਕਰ ਇਸੇ ਤਰ੍ਹਾਂ ਹੋਰ ਮੰਤਰੀ ਵੀ ਇਸ ਦੀ ਪਾਲਣਾ ਕਰਨ ਤਾਂ ਜਨਤਾ ’ਤੇ ਇਸ ਦਾ ਹਾਂ ਪੱਖੀ ਅਸਰ ਦੇਖਣ ਨੂੰ ਮਿਲ ਸਕਦਾ ਹੈ।