ਆਈਐਨਐਸ ਕੋਚੀ ਅਤੇ ਆਈਐਨਐਸ ਕੋਲਕਾਤਾ ਸਮੁੰਦਰੀ ਬੇੜੇ ਦੀ ਮਦਦ ਨਾਲ ਇਸ 'ਚ ਫਸੇ ਲੋਕਾਂ ਨੂੰ ਬਚਾਉਣ ਲਈ ਦੂਜੇ ਸਮੁੰਦਰੀ ਜਹਾਜ਼ਾਂ ਦੀ ਵੀ ਮਦਦ ਲਈ ਜਾ ਰਹੀ ਹੈ। ਹੁਣ ਤੱਕ 146 ਲੋਕਾਂ ਨੂੰ ਬਚਾਇਆ ਗਿਆ ਹੈ। ਜਹਾਜ਼ ਨੂੰ ਬਚਾਉਣ ਲਈ ਪਹਿਲਾਂ ਤੋਂ ਚੌਕਸ ਸਮੁੰਦਰੀ ਫ਼ੌਜ ਨੇ ਪੂਰੀ ਕੋਸ਼ਿਸ਼ ਕੀਤੀ। ਆਈਐਨਐਸ ਕੋਚੀ ਨੂੰ ਇਸ ਦੇ ਬਚਾਅ ਲਈ ਰਵਾਨਾ ਕੀਤਾ ਗਿਆ, ਪਰ ਹਾਲਾਤ ਬਹੁਤ ਹੀ ਖਰਾਬ ਹਨ। ਸਮੁੰਦਰ 'ਚ ਤੇਜ਼ ਲਹਿਰਾਂ ਉਠ ਰਹੀਆਂ ਸਨ ਅਤੇ ਤੇਜ਼ ਹਵਾਵਾਂ ਚੱਲ ਰਹੀਆਂ ਸਨ। ਇਸ ਕਾਰਨ ਬਚਾਅ ਕਾਰਜ 'ਚ ਮੁਸ਼ਕਲਾਂ ਆਈਆਂ ਸਨ। ਬਾਅਦ 'ਚ ਆਈਐਨਐਸ ਕੋਲਕਾਤਾ ਨੇ ਵੀ ਇਸ ਮੁਹਿੰਮ 'ਚ ਹਿੱਸਾ ਲਿਆ।
ਬਰਜ SS-3, ਜਿਸ 'ਚ 196 ਲੋਕ ਸਵਾਰ ਹਨ। ਮੌਸਮ ਸਾਫ਼ ਹੁੰਦੇ ਹੀ SAR ਆਪ੍ਰੇਸ਼ਨ ਲਈ ਸਮੁੰਦਰੀ ਫ਼ੌਜ ਦੇ P81 ਨਿਗਰਾਨੀ ਜਹਾਜ਼ਾਂ ਅਤੇ ਹੈਲੀਕਾਪਟਰਾਂ ਦੀ ਮਦਦ ਲਈ ਜਾਵੇਗੀ। ਬਾਰਜ 'Gal Constructor' ਇਸ 'ਚ ਕੁਲ 137 ਲੋਕ ਸਵਾਰ ਸਨ। ਕੋਸਟਗਾਰਡ ਦੇ ਸੀ ਜੀ ਐਸ ਸਮਰਾਟ ਦੇ ਨਾਲ ਐਮਰਜੈਂਸੀ ਟੋਇੰਗ ਵੈੱਸਲ 'ਵਾਟਰ ਲਿਲੀ' ਅਤੇ ਦੋ ਸਪੋਰਟ ਵੈਸਲ ਨਾਲ ਕੋਸਟ ਗਾਰਡ ਦਾ CGS ਸਮਰਾਟ ਵੀ ਲੋਕਾਂ ਨੂੰ ਬਚਾਉਣ ਲਈ ਪਹੁੰਚੇ ਹਨ। ਆਇਲ ਰਿਗ ਸਾਗਰ ਭੂਸ਼ਣ 'ਚ 101 ਲੋਕ ਫਸੇ ਹੋਏ ਹਨ। ਆਈ ਐਨ ਐਸ ਤਲਵਾਰ ਉਨ੍ਹਾਂ ਨੂੰ ਬਚਾਉਣ ਲਈ ਰਵਾਨਾ ਹੋਇਆ ਹੈ।