ਹਾਲਾਂਕਿ ਫਿਲਹਾਲ ਇਹ ਸਪਸ਼ਟ ਨਹੀਂ ਕਿ ਉਨ੍ਹਾਂ ਅਜਿਹਾ ਕਿਉਂ ਕਿਹਾ ਪਰ ਭਾਰਤ ਦਾ ਇਸ ਗੱਲ 'ਤੇ ਇਰਾਦਾ ਪੱਕਾ ਹੈ ਕਿ ਉਹ ਚੀਨ ਵਿਵਾਦ ਨੂੰ ਆਪਣੇ ਪੱਧਰ 'ਤੇ ਹੀ ਸੁਲਝਾਏਗਾ। (ਸ੍ਰੋਤ-ਕੌਮਾਂਤਰੀ ਤੇ ਭਾਰਤੀ ਮੀਡੀਆ ਰਿਪੋਰਟਾਂ) ਅਜਿਹੇ 'ਚ ਹੁਣ ਸਵਾਲ ਉੱਠ ਰਿਹਾ ਕਿ ਟਰੰਪ ਜਾਣਬੁੱਝ ਕੇ ਭਾਰਤ ਤੇ ਚੀਨ 'ਚ ਗਲਤਫਹਿਮੀ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਟਰੰਪ ਨੇ ਹਾਲ ਹੀ 'ਚ ਦੋ ਦਿਨ ਪਹਿਲਾਂ ਟਵੀਟ ਕੀਤਾ ਸੀ ਕਿ ਉਹ ਭਾਰਤ ਤੇ ਚੀਨ ਵਿਚਾਲੇ ਚੱਲ ਰਹੇ ਵਿਵਾਦ ਨੂੰ ਸੁਲਝਾਉਣ ਲਈ ਵਿਚੋਲਗੀ ਲਈ ਤਿਆਰ ਹਨ। ਇਸ ਬਾਰੇ ਉਨ੍ਹਾਂ ਨੂੰ ਇੱਕ ਪੱਤਰਕਾਰ ਨੇ ਸਵਾਲ ਪੁੱਛਿਆ ਸੀ।
ਇਸ ਦੇ ਜਵਾਬ 'ਚ ਟਰੰਪ ਨੇ ਕਿਹਾ ਸੀ ਕਿ ਮੈਂ ਭਾਰਤ-ਚੀਨ ਵਿਵਾਦ ਤੇ ਮੋਦੀ ਨਾਲ ਗੱਲ ਕੀਤੀ ਸੀ ਤੇ ਉਹ ਚੰਗੇ ਮੂਡ 'ਚ ਨਹੀਂ ਹਨ। ਇਸ ਦੇ ਭਾਰਤੀ ਵਿਦੇਸ਼ ਮੰਤਰਾਲੇ ਦੇ ਸੂਤਰਾਂ ਮੁਤਾਬਕ ਇਨ੍ਹਾਂ ਦਿਨਾਂ 'ਚ ਟਰੰਪ ਤੇ ਮੋਦੀ ਦੀ ਕੋਈ ਗੱਲ ਨਹੀਂ ਹੋਈ। ਦੋਵਾਂ ਨੇਤਾਵਾਂ ਵਿਚਾਲੇ ਬੀਤੀ ਚਾਰ ਅਪ੍ਰੈਲ, 2020 ਨੂੰ ਹਾਈਡ੍ਰੋਕਸੋਕਲੋਰੋਕੁਇਨ ਨੂੰ ਲੈ ਕੇ ਗੱਲਬਾਤ ਹੋਈ ਸੀ। ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਅਸੀਂ ਪਹਿਲਾਂ ਹੀ ਸਪਸ਼ਟ ਕਰ ਦਿੱਤਾ ਕਿ ਅਸੀਂ ਚੀਨ ਨਾਲ ਸਿੱਧੇ ਤੌਰ 'ਤੇ ਪਹਿਲਾਂ ਤੋਂ ਸਥਾਪਤ ਵਿਵਸਥਾ ਤੇ ਕੂਟਨੀਤਕ ਤਰੀਕੇ ਨਾਲ ਸੰਪਰਕ 'ਚ ਹਾਂ ਤੇ ਇਸ ਮਸਲੇ ਨੂੰ ਸ਼ਾਂਤੀ ਨਾਲ ਸੁਲਝਾਉਣ ਦੇ ਯਤਨ ਜਾਰੀ ਹਨ।