ਪਾਕਿਸਤਾਨ ਵਿਚ ਕਰਤਾਰਪੁਰ ਲਾਂਘੇ ਦੇ ਉਦਘਾਟਨ ਮੌਕੇ ਸਾਬਕਾ ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀਆਂ ਸਿਫਤਾਂ ਦੇ ਪੁਲ ਬੰਨ੍ਹੇ ਜਦ ਕਿ ਭਾਰਤੀ ਹਕਮਾਂ ਦੀ ਖੁੱਲ੍ਹ ਕੇ ਨੁਕਤਾਚੀਨੀ ਕੀਤੀ। ਉਨ੍ਹਾਂ ਕਿਹਾ ਕਿ ਸਿੱਖ ਕਦੇ ਵੀ ਖਾਨ ਸਾਹਿਬ ਦਾ ਦੇਣਾ ਨਹੀਂ ਦੇ ਸਕਦੇ। ਉਨ੍ਹਾਂ ਕਿਹਾ ਕਿ ਸਿਕੰਦਰ ਨੇ ਡਰਾ ਕੇ ਦੁਨੀਆਂ ਜਿੱਤੀ ਸੀ ਪਰ ਇਮਰਾਨ ਖਾਨ ਸਾਹਿਬ ਤੁਸੀਂ ਪੂਰੀ ਦੁਨੀਆਂ ਦੇ ਦਿਲ ਜਿੱਤੇ ਹਨ।ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਤੇ ਨਵਜੋਤ ਸਿੰਘ ਸਿੱਧੂ ਸਾਬਕਾ ਮੰਤਰੀ ਪੰਜਾਬ ਸਰਕਾਰ ਦੀ ਦੋਸਤੀ 'ਤੇ ਸਾਰਾ ਸਿੱਖ ਜਗਤ ਕੁਰਬਾਨ ਹੈ ਕਿਉਂਕਿ 72 ਸਾਲਾਂ ਤੋਂ ਵਿਛੜੇ ਸਾਡੇ ਗੁਰਧਾਮ ਕਰਤਾਰਪੁਰ ਸਾਹਿਬ ਦੇ ਦਰਸ਼ਨਾਂ ਲਈ ਜੋ ਲਾਂਘਾ ਖੁੱਲਿ੍ਹਆ ਹੈ
ਉਹ ਦੋਵੇਂ ਸਾਬਕਾ ਕ੍ਰਿਕਟਰਾਂ ਦੀ ਦੋਸਤੀ ਦੀ ਬਦੌਲਤ ਹੀ ਖੁੱਲਿ੍ਹਆ ਹੈ। ਇਸੇ ਦੌਰਾਨ ਸਿੱਧੂ ਨੇ ਕਿਹਾ ਮੈਂ ਲਾਂਘਾ ਖੋਲ੍ਹਣ ‘ਤੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ‘ਮੁੰਨਾ ਭਾਈ ਵਾਲੀ ਜੱਫੀ’ ਭੇਜ ਰਿਹਾ ਹਾਂ। ਉਨ੍ਹਾਂ ਕਿਹਾ ਮੈ ਬਾਬੇ ਨਾਨਕ ਦੇ ਦੇ ਘਰ ਦਾ ਕੂਕਰ ਹਾਂ, ਬਾਬੇ ਨਾਨਕ ਦੇ ਲਾਂਘੇ ਨੂੰ ਜੀਹਨੇ ਹੁਲਾਰਾ ਦਿੱਤਾ ਉਹ ਲੱਖ ਦਾ, ਜੀਹਨੇ ਅੜਿੱਕਾ ਪਾਇਆ ਉਹ ਕੱਖ ਦਾ ਵੀ ਨਹੀਂ । ਉਨ੍ਹਾਂ ਕਿਹਾ ਮੈ ਅੱਜ ਸਵਰਗ ਹੀ ਵੇਖ ਲਿਆ ਹੈ , 72 ਸਾਲਾਂ ਤੋਂ ਸਿੱਖਾਂ ਦੀ ਕਿਸੇ ਨੇ ਨਹੀਂ ਸੁਣੀ ।
